काठमाडौँ, २७ मंसिर । सत्तारुढ नेकपाका स्थायी कमिटीको बैठक आइतबार बस्दैछ ।
स्रोतका अनुसार भोलिको बैठकमा पार्टी अध्यक्ष एवम् प्रधानमन्त्री केपी शर्मा ओली पनि सहभागी हुने बताइएको छ ।
मंसिर २१ गते पार्टी कार्यालय धुम्बाराहीमा भएको बैठकमा प्रधानमन्त्री ओलीले पत्रमार्फत सहभागीता जनाएका थिए ।
पछिल्लो दिनहरुमा पार्टीभित्रको विवाद समाधानका लागि विभिन्न प्रयासहरु भइरहेका छन् । पटक पटक छलफल भएपनि कुनै ठोस निष्कर्ष निस्कन सकेको छैन । भोलिको बैठकमा पनि समाधानका सम्भावनाहरुबारे छलफल हुन सक्ने अनुमान लगाइएको छ ।
प्रतिक्रिया