हुम्ला जीप दुर्घटना: घाइते एक जनाको थप उपचारका लागि नेपालगंज लगियो

हुम्ला, २० मंसिर । हुम्लामा शुक्रबार राति भएको जीप दुर्घटनामा घाइते भएका एक जनालाई थप उपचारका लागि नेपालगञ्ज लगिएको छ ।

सिमकोट गाउँपालिकाको वडा नम्बर ७ को थाहामा बोलेरो जीप दुर्घटना हुँदा घाइते भएका उनको हुम्ला अस्पतालमा उपचार सम्भव नभएपछि चिकित्सकको सल्लाह अनुसार नेपालगंज लगिएको हो ।

दुर्घटनामा परि टाउकोमा चोट लागेका बाजुराका कवि सिंहलाई थप उपचारका लागि नेपालगञ्ज लगिएको छ ।

हाल उनी सिमकोट बजारमा मोबाइल मर्मतको पसल सञ्चालन गर्दै आएका थिए ।

सिंहलाई हवाईजहाजबाट नेपालगंज पठाइएको छ । उनको टाउकोमा चोट लागेको र सीटीस्क्यान गर्नुपर्ने भएकाले नेपालगंज लगिएको हो । उनको शरीरमा पनि चोट लागेको बताइएको छ ।

एक बालकसहित अन्य ६ जना घाइतेको भने जिल्लामै उपचार भइरहेको बताइएको छ ।

जीप दुर्घटनामा ४ जनाको मृत्यु भएको थियो भने ७ जना घाइते भएका थिए ।