काठमाडौं, १९ मंसिर । वीर अस्पतालका आन्दोलनरत कर्मचारी र अस्पताल प्रशासनबीच शुक्रबार सहमति भएको छ ।
आन्दोलन शुरू भएको ४६औं दिनमा कर्मचारी र प्रतिष्ठानका पदाधिकारीबीच ५ बुँदे सहमति जुटेको हो । यद्यपि, उक्त सहमति कार्यान्वयन गर्न भने ६ हप्ता लाग्ने अस्पतालले बताएको छ ।
प्रशासनसँगको सहमतिसँगै विरोधका सबै कार्यक्रम स्थगित गरिएको छ । चिकित्सा विज्ञान राष्ट्रिय प्रतिष्ठान र आदोलनरत कर्मचारीबीच कोभिड भत्ताको समस्या समाधान गर्ने, सर्वोच्च अदालतको फैसाला बमोजिम राष्ट्रिय ट्रमा सेन्टरलाई वीर अस्पतालअन्तर्गत रहने गरी भएको निर्णय कार्यान्वयन गर्नेलगायत समहति भएको छ ।
यस्तो छ सम्झौता
१. मागमा सम्बन्धमा कोभिड भत्ता वितवरणमा देखिएका त्रुटि सम्बोधनमा अस्पताल प्रशासन र आन्दोलरत पक्षको प्रतिनिधि समेतको समिति बनाई समानूपातिक वितरणका आधारमा सुधार गरी वितरण गर्ने व्यवस्था गर्ने । कोभिड बीमा क्षतिपूर्तिका सम्बन्धमा सम्बन्धित पक्षसँग छलफल गरी आवश्यक निर्णय गर्ने । कर्मचारीहरूले पाउने आ.व ०७६/७७ को औषधि खरिद खर्च कार्यकारी परिषद्बाट निर्णय गरी आगामी ७ दिनमा उपलब्ध गराउने । सेवा विस्तार भत्ताका सम्बन्धमा आगामी ६ हप्ताभित्र २ महिनाको भत्ता उपलब्ध गराउने र बाँकी नियमित गर्दै जाने ।
२. अस्पतालका पूर्ववत् सेवाहरूसहित थप सेवाहरू अझै प्रभावकारी रूपले सञ्चालन गर्ने ।