वीपीका छोरा राजावादीको कार्यक्रममा सहभागी

काठमाडौं, १६ मंसिर । नेपाली कांग्रेसको भ्रातृ संस्था नेपाल विद्यार्थी संघ (नेविसंघ)का संस्थापक अध्यक्ष विपीन कोइराला राजसंस्था फर्काउने आन्दोलनमा सहभागी भएका छन् ।

सोमबार काठमाडौंमा भएको राजावादीहरूको कार्यक्रममा कोइराला उपस्थित भएका हुन् । वीपी कोइरालाका छोरासमेत रहेका विपीन कोइराला राजसंस्था पुनर्वहालीको माग गर्दै सडकमा उत्रिएका छन् ।

राजावादी संगठन राष्ट्रिय शक्ति नेपालले आयोजना गरेको प्रदर्शनमा कोइरालाको सक्रिय सहभागिता रहेको छ ।

कांग्रेस पार्टीमा धेरै सक्रिय नरहेका कोइराला राजसंस्था फिर्ता गराउने अभियानमा बेलाबेला लाग्दै आएका छन् । कोइराला राजा ज्ञानेन्द्र शाहको सक्रिय शासनकालमा मनोनीत मन्त्री समेत बनेका थिए ।

कोइरालाले कार्यक्रम राजावादीको मात्र नभइ सबैको रहेको बताएका छन् । उनले राजसंस्था फिर्ता गराउने र संघीयता खारेजी गर्न प्रदर्शन भएको बताए ।

उनले गिरिजाप्रसाद कोइरालाले व्यक्तिगत स्वार्थमा प्रचण्डलाई बोकेका कारण मुलुकले दुर्भाग्य भोग्नुपरेको बताएका छन् ।

उनले शेरबहादुर देउवाले केपी ओली बोकेको आरोप लगाएका छन् ।

कोइरालाले अहिले पनि आफू कांग्रेसमा रहेको बताएका छन् । विवेकको कुरा राख्ने स्वतन्त्रता भएकैले कांग्रेसमा रहेको उनले बताए ।

कोइरालाले गणतन्त्र र संघीयता खारेजीको माग महासमिति बैठकमा पनि राखेको बताएका छन् ।

सुनिल पौडेललाई थुनामा राख्न आदेश



टोपबहादुर रायमाझीसहित ७ जनालाई थुनामै राख्न अदालतको आदेश



सहकारीको समस्या समाधान गर्न कानून निर्माण प्रक्रिया अगाडि बढाउने सरकारको निर्णय



महावै गाउँपालिका पूर्वउपाध्यक्ष सहित ९ जनाविरुद्ध मुद्धा दायर

सिफारिस


दीपक मनांगेलाई प्रहरीको पिर्के सलामी ! (भिडिओसहित)



रवि लामिछानेको विषयमा लेखेका युवाको यस्तो हालत



मनमोहन अधिकारी कम्युनिष्ट आन्दोलनका सादगी नेता : वरिष्ठ उपाध्यक्ष पोखरेल



मनमोहन अधिकारी ज्येष्ठ नागरिक र ग्रामीण भेगका जनताका मित्र : पूर्वराष्ट्रपति भण्डारी