काठमाडौं, १४ मंसिर । नेपाली बजारमा आइतबार पनि सुनको मूल्य घटेर कारोबार भएको छ ।
पछिल्लो समय घट्दो क्रममा रहेको छापावाल सुनको मूल्य आइतबार तोलामा ६०० रुपैयाँले घटेर ९० हजार ७०० रुपैयाँ कायम भएको छ । यसअघि साताको अन्तिम दिन शुक्रबार प्रतितोला ९१ हजार ३०० रुपैयाँमा कारोबार भएको थियो ।
यस्तै तेजावी सुन प्रतितोला ९० हजार २०० रुपैयाँ निर्धारण गरिएको नेपाल सुनचाँदी व्यवसायी महासंघले बताएको छ ।
यस्तै शुक्रबार प्रतितोला १ हजार १६५ रुपैयाँमा कारोबार भएको चाँदी आइतबार १० रुपैयाँ घटेर तोलामा १ हजार १५० रुपैयाँ कायम गरिएको छ ।
सुनका लागि सिजनको मौसम भए पनि पछिल्लो केही दिनयता सुनको मूल्य निरन्तर ओरालो लाग्दै आएको छ ।
प्रतिक्रिया
सम्बन्धित
सिफारिस