काठमाडौं, १२ मंसिर । यो साता नेपाली बजारमा सुनचाँदीको मूल्य निघरन्तर घटिरहेको छ ।
मंगलबार र बुधबार मात्रै २ हजार ९०० रुपैयाँले घटेको मूल्य हिजो बिहीबार स्थिर रह्यो । तर शुक्रबार पुनः सुनको मूल्य कमी आएको छ ।
नेपाल सुनचाँदी व्यवसायी महासंघका अनुसार शुक्रबार नेपाली बजारमा सुनको मूल्य प्रतितोला २०० रुपैयाँले घटेको छ । नेपाली बजारमा आज छापावाला सुन प्रतितोला ९१ हजार ३०० रुपैयाँमा कारोबार भइरहेको छ ।
यस्तै तेजाबी सुन प्रतितोला ९० हजार ८०० रुपैयाँमा कारोबार भइरहेको महासंघले जनाएको छ ।
यस्तै आज चाँदीको मूल्य प्रतितोला १० रुपैयाँले घटेको छ । नेपाली बजारमा आज चाँदी प्रतितोला १ हजार १६५ रुपैयाँमा कारोबार भइरहेको महासंघले जनाएको छ ।
प्रतिक्रिया
सम्बन्धित
सिफारिस