अनुभव बने अनलाइन टयालेन्ट शोको बिजेता, नित्या शर्मा बनिन् सेकेण्ड रनरअप

दैनिक नेपाल २०७७ मंसिर ९ गते ९:२३

काठमाडौं, ९ मंसिर । अनलाइन टयालेन्ट शोको उपाधि अनुभव थपलियाले चुमेका छन् ।

हिमालयन म्यूजिक एकेडेमीको आयोजनामा सम्पन्न भएको अनलाइन टयालेन्ट शोको फस्ट रनरअप नित्या शर्मा बन्दा सेकेण्ड रनरअपको उपाधि खावात सुब्बाले जित्न सफल भएका छन् ।

त्यस्तै थर्ड रनरअपको उपाधि खगेन्द्र अधिकारीले कब्जा गरेका छन् भने फोर्थ रनरअपको उपाधि बिन्दिया खड्काले चुम्न सफल भएकी छिन् ।

कार्यक्रमको अवसरमा अमेरिकाका लागि नेपाली राजदूत डाक्टर अर्जुन कार्कीले कलाकारिता क्षेत्रमा गरिने कामको सरकारले जहिले पनि साथ सर्मथन दिने विषयमा जोड दिए ।

त्यस्तै हिमालयन म्यूजिक एकेडेमी अध्यक्ष गजमेरले उक्त पुरस्कार कोरोना महामारीको संकट टरेपछि एक भब्य कार्यक्रमको आयोजना गरेर बिजेताहरुलाई प्रदान गरिने बताए ।

प्रतिस्पर्धामा प्रथम भएकालाई २५ सय डलर, तथा द्धितीय र तृतीयलाई क्रमशः १५ सय र १ हजार डलर र अन्यलाई शान्तवना पुरस्कारको पनि व्यवस्था गरिएको छ ।