मुक्तिनाथ बैंकले पायो ‘युरोपियन माइक्रोफाइनान्स अवार्ड’

काठमाडौं, ४ मंसिर । मुक्तिनाथ विकास बैंकले ‘युरोपियन माईक्रोफाइनान्स अवार्ड, २०२०’ प्राप्त गरेको छ ।

साना तथा लघु बैंकिङ कार्यक्रममा आवद्ध न्यून आय भएका सदस्यहरुलाई प्रदान गरिरहेको नवीनतम र ग्राहकमैत्री समावेशी बचत सेवाहरुको प्रभावकारिता र त्यसले सदस्यको जीवनमा पारेको सकारात्मक परिवर्तनलाई अन्तर्राष्ट्रिय स्वतन्त्र विशेषज्ञ छनोट समितिले अध्ययन तथा अनुसन्धान गरी मुक्तिनाथलाई उक्त अवार्ड प्रदान गरिएको हो ।

लक्जमवर्गमा आयोजित ‘युरोपियन माइक्रोफाइनान्स अवार्ड २०२०’ का लागि ३७ राष्ट्रबाट ७० वटा संस्थाले सहभागिता जनाएका थिए । उक्त प्रतियोगिताका लागि उत्कृष्ट ३ मा नेपालबाट मुक्तिनाथ विकास बैंक लगायत वेनिन र ईथोपियाको १÷१ वटा लघुवित्त संस्थाहरु छनौट भएका थिए ।

यो पुरस्कारबापत मुक्तिनाथ विकास बैंकले नगद १ लाख युरो प्राप्त गरेको छ । यो पुरस्कार रकमबाट न्यून आय भएका सदस्यहरुलाई डिजिटल बैंकिङमा सहभागी गराउन विभिन्न कार्यहरु गरिने बैंकले घोषणा गरेको छ ।

मुक्तिनाथ विकास बैंकको ४२ जिल्लामा रहेका १३८ वटा शाखाहरुमध्ये ११८ वटा शाखामार्फत साना तथा लघु बैंकिङ्ग सेवा प्रदान गर्दै आइरहेको छ । साना तथा लघु बैंकिङ्ग अन्तर्गत १ लाख ८० हजार भन्दा बढी ग्राहक सदस्यहरुले प्रत्यक्ष सेवा लिइरहेका छन् भने यो क्षेत्रमा रू. १७ अर्ब भन्दा बढी लगानी छ ।

काठमाडौंमा फर्निचर एक्स्पो हुने, पहिलो पटक किनमेल बजार



यस्तो छ आज विदेशी मुद्राको विनिमय दर



घट्यो डलर, पाउण्ड र युरोको भाउ



महालक्ष्मी विकास बैंक र एनसीएचएलबीच अन्तर्देशीय कारोबार भुक्तानी सहजीकरण सम्झौता

सिफारिस


‘प्राज्ञ र कर्मचारी नियुक्तिमा ढिलाई हुँदा विश्वविद्यालयमा समस्या आयो’



संसद अवरोधप्रति सभामुख चिन्तित, अध्यादेशको बाटो खोज्न सकिने



 राजनीति फोहोरी खेल होइन, स्वार्थ बोकेका व्यक्ति फोहोरी हुन् : सुहाङ नेम्वाङ



सामान्य प्रशासन मन्त्रालयमा पिएहरुको रजगज