शुक्रबार, १२ मंसिर २०७७
DainikNepal.com
शुक्रबार, १२ मंसिर २०७७

विश्वकप फुटबल छनोटमा अर्जेन्टिनासँग पेरु पराजित

दैनिक नेपाल २०७७ मंसिर ४ गते ८:३१

लण्डन, ४ मंसिर । सन् २०२२ मा कतारमा हुने विश्वकप फुटबलका लागि दक्षिण अमेरिकी छनोटमा अर्जेन्टिनाले पेरुलाई २-० गोलले हराएको छ ।

पेरुमा भएको खेलमा अर्जेन्टिनाले पहिलो हाफमै २ गोल गरेको हो । अर्जेन्टिनाका निकोलास गोन्जालेसले खेलको १७ औं मिनेटमा र लाउटरो मार्टिनेजले २८ औं मिनेटमा गोल गरे ।

जितपछि अर्जेन्टिना ४ खेलमा १० अंकसहित तालिकाको दोस्रो स्थानमा छ । पेरु १ अंक सहित नवौं स्थानमा छ ।

अपराजित ब्राजिलले उरुग्वेलाई २-० गोलले हराएको छ । ब्राजिलले पनि पहिलो हाफमै २ गोल गरेको थियो । ३४ औं मिनेटमा आर्थर र ४५ औं मिनेटमा रिचर्डलिसनले गोल गरेका हुन् ।

प्रतिक्रिया
सम्बन्धित