स्याङ्जा, २ मंसिर । सोमबार स्याङ्जामा अरिङ्गालले चिलेर एक बालिकाको मृत्यु भएको छ ।
नेपाल कम्युनिष्ट पार्टी (नेकपा) का स्याङ्जाका अध्यक्ष सूर्य प्रसाद गैह्रे शर्मा ‘पारस’ की छोरी अतिथि शर्माको मृत्यु भएको हो ।
१३ वर्षीया अतिथिको अरिङ्गालले चिलेर निधन भएको प्रहरीले जनाएको छ । पुतलीबजार नगरपालिका–१४ स्थित लामागेमा अरिङ्गालले चिलेपछि उपचारका क्रममा पोखरास्थित गण्डकी अस्पतालमा अतिथिको निधन भएको हो ।
माथिल्लो घरबाट तल्लो घरमा भाइटीका लगाउन जाँदा अतिथिलाई नजिकैको रुखमा रहेको अरिङ्गालले चिलेर घाइते बनाएको थियो ।
प्रतिक्रिया
सम्बन्धित
सिफारिस