काठमाडौँ, ३० कात्तिक । हास्य कलाकार मनोज गजुरेलले कोरोना संक्रमणलाई जितेर घर फर्किएका छन् ।
११ दिनको अस्पताल बसाईपछि उनी डिस्चार्ज भएका छन् । कात्तिक १० गते कोरोना संक्रमण पुष्टि भएका गजुरेल बलम्बुस्थित सशस्त्र प्रहरी अस्पतालमा उपचाररत थिए ।
आइतबार गजुरेलले आफू कोरोनामुक्त भएर घर फर्किएको जानकारी दिएका छन् । उनले आफ्नो फेसबुकमा लेखेका छन्, ‘११ दिनको अस्पताल बसाइपश्चात् घर फर्किएर आराम गरिरहेको छु । कोभिड–१९ का सबै रिपोर्ट नेगेटिभ आएका छन् ।’
उच्चस्तरको उपचार सेवा दिएको भन्दै उनले सशस्त्र प्रहरीको नेपाल एपीएफ अस्पताल परिवार, अस्पताल परिवारका सबै सदस्यहरु र सबै शुभचिन्तकहरुलाई धन्यवाद दिएका छन् ।
उनले कोरोना संक्रमणको महमारीबाट आफू जोगिन र अरुलाई पनि जोगाउन आह्वान गर्दै दीपावलीको शुभकामनासमेत दिएका छन् ।
कोरोना देखिएपछि सुरुमा घरमै आइसोलेसनमा बस्दै आए पनि अक्सिजनको मात्रा घट्दै गएपछि र फोक्सोमा पनि संक्रमण देखिएपछि उनलाई कात्तिक २० गते बलम्बुस्थित सशस्त्र प्रहरीको कोरोना विशेष अस्पतालमा भर्ना गरिएको थियो । उनलाई आईसीयूमा राखेर उपचार गरिएको थियो ।
यो पनि पढ्नुहोस्–
प्रतिक्रिया