काठमाडौं, २९ कात्तिक । पछिल्लो २४ घण्टामा देशभर १ हजार ९४६ जना कोरोना संक्रमित थपिँदा काठमाडौं उपत्यकामा मात्रै ८३५ जना थप भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा काठमाडौंमा ६४२, भक्तपुरमा ८८ र ललितपुरमा १०५ जना थप संक्रमित थपिएका हुन् ।
संक्रमितमध्ये ४५६ जना पुरुष तथा ३७९ जना महिला छन् । योसँगै नेपालमा कोरोना संक्रमितको कुल संख्या २ लाख ८ हजार २९९ पुगेको छ ।
पछिल्लो २४ घण्टको विवरणअनुसार देशभर १४ हजार ९६७ जना होम आइसोलेसनमा छन् । त्यस्तै २३५ जना आईसीयू तथा ४२ जना भेन्टिलेटरमा उपचाररत रहेको मन्त्रालयले जानकारी दिएको छ ।
भेन्टिलेटरमा रहेकाहरुमध्ये प्रदेश १ मा ४ जना, प्रदेश २ मा ३ जना, बागमती प्रदेशमा ३० जना, लुम्बिनी प्रदेशमा ५ जना छन् भने गण्डकी, कर्णाली र सुदूरपश्चिम प्रदेशमा कोही पनि संक्रमित भेन्टिलेटरमा छैनन् ।
यस्तै आईसीयूमा उपचार गराईरहेका संक्रमित मध्ये प्रदेश १ मा २९ जना, प्रदेश २ मा १४ जना, बागमती प्रदेशमा १२८ जना, गण्डकी प्रदेशमा ६ जना लुम्बिनी प्रदेशमा ३९ जना, कर्णाली प्रदेशमा १९ जना छन् भने सुदूरपश्चिम प्रदेशमा कोही पनि संक्रमित आईसीयूमा छैनन् ।
यसैगरी होम आइसोलेसनमा रहेकाहरुमध्ये प्रदेश १ मा १८२७, प्रदेश २ मा ४७५, बागमती प्रदेशमा ९८२८, गण्डकी प्रदेशमा ५६५, लुम्बिनी प्रदेशमा १४४७, कर्णालीमा ३४९ र सुदूरपश्चिम प्रदेशमा ४७६ जना छन् ।
प्रतिक्रिया