काठमाडौं, २७ कात्तिक । मैत्रीपूर्ण खेल खेल्न बाङ्लादेशको राजधानी ढाका पुगेका नेपाली राष्ट्रिय फुटबल टोलीका एक खेलाडी कोरोना भाइरसबाट सङ्क्रमित भएका छन् ।
ढाकामा बुधबार गरिएको कोरोना परीक्षणका क्रममा ती नेपाली खेलाडीमा कोरोना देखिएको अखिल नेपाल फुटबल महासङ्घ (एन्फा)ले जनाएको छ । नेपाली टोलीका अन्य खेलाडीको पीसीआर रिपोर्ट भने नेगेटिभ आएको छ ।
कोरोना देखिएका खेलाडीलाई अस्पतालको आइसोलेसनमा राखिएको एन्फाले जनाएको छ । ती खेलाडीको अवस्था सामान्य रहेको छ । कोरोना देखिए पनि उनले बाङ्लादेशसितको पहिलो मैत्रीपूर्ण खेल गुमाउने भएका छन् । नेपालले शुक्रबार बाङ्लादेशसित पहिलो मैत्रीपूर्ण खेल खेल्दैछ । नेपालले अर्को खेल २ मंसिरमा खेल्ने कार्यक्रम तय भएको छ ।
नेपाली खेलाडीहरूको गत साता पनि पीसीआर परीक्षण गरिएको थियो । त्यो बेला सबैको पीसीआर रिपोर्ट नेगेटिभ आएको थियो । बाङ्लादेश उड्नु अघि पनि सबै खेलाडीसहित सबैको पीसीआर परीक्षण गरिएको थियो ।
फिफा विश्वकप छनोटको दोस्रो चरण खेलिरहेको नेपालले त्यसको तयारीका लागि बाङ्लादेशसित मैत्रीपूर्ण खेल खेल्न लागेको हो । नेपालले सन् २०१८ मा बाङ्लादेशमा सम्पन्न साफ च्याम्पियनसिपमा पछिल्लो पटक बाङ्लादेशसँग खेलेको थियो ।
त्यसबेला नेपालले बाङ्लादेशलाई पराजित गरेको थियो । बाङ्लादेशसँगको मैत्रीपूर्ण खेलका लागि नेपाली राष्ट्रिय फुटबल टोलीका खेलाडीसहित ३४ जना हाल बाङ्लादेशको ढाकामा रहेका छन् । रासस
कतारी अमिर आज नेपाल आउँदै, देशभर सार्वजनिक विदा
एयरपोर्टमा इडुरोम सञ्चालनमा ल्याइने
बालाजु बाइसधारा मेला सुरु
नेपाल टुरमा आउने वेस्ट इन्डिज ‘ए’ टिमको घोषणा, को को परे ?
आज विशेष हनुमान जयन्ती, यसरी गर्नुहोस् हनुमानको आराधना
सुदर्शनको नयाँ फिल्म ‘रावायण’को छायांकन सुरु
एकैदिन तोलामा २७ सय घट्यो सुनको मूल्य, कतिमा हुँदैछ कारोबार ?
विपिन जोशीको रिहाईका लागि राष्ट्रपति पौडेलको कतारी राजालाई आग्रह
साझा चासोको मुद्दामा सहकार्यका लागि कतारका राजालाई राष्ट्रपति पौडेलको आग्रह
राष्ट्रपति पौडेल र कतारका अमिरबीच शीतल निवासमा भेटवार्ता सुरु
कतारका अमिर थानीलाई २१ तोपको सलामी
कतारका अमिरलाई नेपालमा स्वागत (तस्वीरहरू)
गेष्ट हाउसमा महिला र पुरुष मृत फेला, छोरी सकुशल
काठमाडौं आइपुगे कतारका राजा, आज के-के गर्दैछन् ?
