बागलुङ, २५ कात्तिक । राष्ट्रिय सहकारी बैंक लिमिटेडले लुम्बिनी प्रदेशमा २ वटा थप शाखा सञ्चालनमा ल्याएको छ ।
बर्दियाको भुरीगाउँ र बाँकेको नेपालगञ्जमा मंगलवार शाखा उद्घाटन गरिएको हो । बैंकका अध्यक्ष के.बी.उप्रेतीले छुट्टा छुट्टै समयमा २ वटा शाखाको उद्घाटन गरेका हुन् ।
सहकारीमार्फत आम समुदायको आर्थिक विकास र सामाजिक रुपान्तरणका लागि सहकारी बैंक निरन्तर लागेको र यसका लागि सबै सहकारीहरुलाई सहकारी बैंकमार्फत नै कारोबार गर्न अध्यक्ष उप्रेतीले आव्हान गरे ।
सहकारी बैंकले आफ्ना सदस्यहरुलाई सहज र प्रविधियुक्त सेवाका लागि सहयोग गर्दै आएको छ, अध्यक्ष उप्रेतीले भने, वित्तीय सेवासंगै सहकारीहरुको संस्थागत विकासका लागि बैंक सदैव सहयोगीका रुपमा रहेको छ ।
भुरीगाउँमा आयोजित उद्घाटन कार्यक्रममा राष्ट्रिय सहकारी महासंघका सञ्चालक लक्ष्मीप्रसाद शर्मा, बैंकका सञ्चालक माधवलाल देवकोटा, लुम्बिनी प्रदेश सहकारी संघका अध्यक्ष प्रेम सुवेदी, जिल्ला सहकारी संघ बाँकेका अध्यक्ष गोपाल पौडेल, जिल्ला वचत तथा ऋण सहकारी संघका अध्यक्ष नवराज न्यौपाने, कृषि सहकारी संघका अध्यक्ष हरि अधिकारी लगायतले सबै सहकारीहरुले सहकारी बैंकसंग कारोरार गर्न आव्हान गरेका थिए ।
कार्यक्रम बैंकका सञ्चालक विजया धितालको अध्यक्षता, बैंकका तालिम विभाग अधिकृत नारायण वेलवासेको स्वागत र भुरीगाउँ शाखाका प्रमुख किरण खत्रीको सञ्चालनमा सम्पन्न भएको थियो । शाखा उद्घाटनकै दिन ८ करोड भन्दा बढी निक्षेप संकलन भएको शाखा प्रमुख खत्रीले जानकारी दिए ।
यस्तै नेपालगञ्ज शाखाको उद्घाटनका क्रममा खजुरा गाउँपालिकाका उपाध्यक्ष तथा राष्ट्रिय सहकारी विकास बोर्डका सदस्य एकमाया विक, नेपाल कृषि केन्द्रीय सहकारी संघका सञ्चालक देवबहादुर केसी, लुम्बिनी प्रदेश सहकारी संघका अध्यक्ष प्रेम सुवेदी, बहुउद्देश्यीय केन्द्रीय सहकारी संघका केन्द्रीय सदस्य भुपेन्द्रप्रसाद अधिकारी, वचत तथा ऋण सहकारी संघ बाँकेका अध्यक्ष प्रकाश ज्ञवाली, कृषि सहकारी संघका अध्यक्ष एकता शाह, बहुउद्देश्यीय सहकारी संघका अध्यक्ष बल बहादुर खड्का लगायतको शुभकामना मन्तव्य व्यक्त गरेका थिए ।
कार्यक्रम बैंकका सञ्चालक विजया धितालको अध्यक्षता, सञ्चालक माधवलाल देवकोटाको स्वागत र बैंकका तालिम विभागका अधिकृत नारायण बेलवासेको सञ्चालनमा सम्पन्न भएको थियो ।
नेपालगञ्ज शाखा उद्घाटनकै दिन १० करोड भन्दा बढी निक्षेप संकलन भएको शाखा प्रमुख सागरनाथ योगीले जानकारी दिए ।
४४ वटा शाखामार्फत सदस्यहरु सहकारी संस्थाहरुलाई सेवा प्रवाह गर्दै आएको सहकारी बैंकले मंगलवारदेखि ५० वटा शाखा मार्फत सेवा दिन थालेको छ ।
नेपाल राष्ट्र बैंकले गत असारमा २४ वटा शाखा सञ्चालनका लागि अनुमति दिएको थियो । आगामी पुस मसान्त भित्र सबै शाखा सञ्चालनमा आउने र ६८ वटा शाखामार्फत सेवा सञ्चालन गरिने बैंकले जनाएको छ ।
निःशुल्क सिपमूलक तालिमका लागि ४३ हजार ५८ जनाको आवेदन
थाइल्याण्डमा राजतन्त्रको अपमानको आरोपमा हिरासतमा रहेकी अभियन्ताको मृत्यु
काठमाडौंको जगडोल डाँडाबाट देखिएको बागमती नदी
‘पूजार सार्की’को तेस्रो गीत ‘जाऊँ माया’ सार्वजनिक
सिँचाइका लागि जडान गरेको ८ वटा ‘डिपट्युवेल’का ‘ट्रान्सफर्मर’ चोरी
क्रिकेटर सन्दीप लामिछानेको निलम्बन फुकुवा
निर्वाचन भएको २ वर्षपछि व्यास नगरपालिकाको पुनः मतगणना हुने
सुदूरपश्चिमका मुख्यमन्त्रीले विश्वासको मत लिँदै
दीपेन्द्रसिंह ऐरी अलराउन्डरतर्फ शीर्ष १० मा
आईपीएल : राजस्थान रोयल्सको लगातार चौथो हार
सुसंस्कृत समाज निर्माणका लागि सीताबाट प्रेरणा प्राप्त हुने राष्ट्रपतिको विश्वास
मकालु आरोहण गर्ने क्रममा फ्रान्सेली नागरिकको मृत्यु
कस्तो रहन्छ आजको मौसम ?
रड बोकेको ट्याक्टरमा ठोक्किदा केशव मुडभरीको निधन
