काठमाडौँ उपत्यकामा थपिए १४ सय २० कोरोना संक्रमित

काठमाडौँ, २५ कात्तिक । काठमाडौँ उपत्यकामा थप १ हजार ४ सय २० जनामा कोरोनाभाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले पछिल्लो २४ घण्टामा उपत्यकामा १ हजार ४ सय २० जनामा संक्रमण पुष्टि भएको जानकारी दिएको छ ।

संक्रमितमध्ये ६ सय ३ जना महिला र ८ सय १७ जना पुरुष रहेका छन् ।

देशभर मंगलबार थप २ हजार ७ सय ३६ जनामा संक्रमण पुष्टि भएको मन्त्रालयले जनाएको छ । हालसम्म कोरोनाका कारण १ हजार १ सय ४८ जनाको मृत्यु भइसकेको छ ।