काठमाडौँ, १८ कात्तिक । सत्तारुढ नेकपाका उपाध्यक्ष वामदेव गौतम र राष्ट्रपति विद्यादेवी भण्डारीबीच छलफल भएको छ ।
मंगलबार उपाध्यक्ष गौतमले राष्ट्रपति भण्डारीसँग विशेष समय लिएर शितलनिवासमा छलफल गरेका हुन् ।
छलफलमा नेकपाको पछिल्लो विवादका बारेमा कुराकानी भएको स्रोतले जनाएको छ ।
उनीहरुबीच लामो छलफल भएको थियो । यद्यपि के कुराकानी भएको भन्नेबारे चाँही केही खुलाइएको छैन ।
भेटमा राष्ट्रपतिले नेताहरुले आपसी समझदारीले नेकपाको विवाद समाधान गर्ने विश्वास व्यक्ति गरेकी छन् ।
राष्ट्रपति भण्डारीले आफूसँग नेताहरु भेट्न आउने र आफूलाई लागेको कुराकानी हुने र बाहिर गएर अनाश्यवक हल्ला फैलिनेबारे गुनासो समेत गरिन् ।
नेता गौतमले आफूले राष्ट्रपतिमाथि त्यस्तो कुनै आशंका नगरेको बताए ।
उनले आफू आइसोलेसनमा बस्नुपरेकोले राष्ट्रपतिसँग भेट्न ढिलो भएको बताए । उनले शीतल निवासमा आफूले विवादमा पर्न र पार्न नआएको समेत बताए ।
प्रतिक्रिया