६ मंसिर २०८३, आइतबार

नेपाली महिलाको शव भारतीय जंगलमा फेला

70
Shares

फन्ट परिवर्तन गर्नुहोस:

  • change font
  • change font
  • change font

धनगढी, १८ कात्तिक । नेपाली महिलाको शव भारतकाे जंगलमा फेला परेको छ ।

कञ्चनपुरको पुर्नवास नगरपालिका क्षेत्रबाट ४ किलोमिटरभित्र भारततर्फ दुधुवा राष्ट्रिय निकुञ्जको रानीवनमा अन्दाजी ५५ वर्षीया महिलाको शव फेला परेको प्रहरीले जनाएको छ ।

जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापाले भारतीय प्रहरीले महिलाको शव फेला पारेको बताए ।

प्रहरी नायब उपरीक्षक थापाका अनुसार महिलाको शव षडेको अवस्थामा भारतीय प्रहरीले फेला पारेको हो । महिलाको शव नजिकै एउटा डायरी पनि भेटिएको छ ।

उक्त डायरीमा कञ्चनपुरको साविकको परासन गाविस वडा नम्बर ३ ठेगना उल्लेख गरिएको छ ।

डायरीमा आफ्नो नाम नरदेवी कठायत, श्रीमान राजेन्द्रसिह कठायत र बुवाको नाम कासी बोगटी लेखिएको पाईएकाले सोही अनुसार महिलाको पहिचानमा जुटेको प्रहरी नायब उपरीक्षक थापाले बताए ।