काठमाडौं, ४ कात्तिक । कोभिड–१९ को परीक्षण तथा उपचार सरकारले नगर्ने चर्चा चलिरहेका बेला सरकारले भने निःशुल्क उपचार पाउनेको वर्गीकरण गरेर मापदण्ड तय गरेको छ ।
विभिन्न ७ वटा शीर्षकमा वर्गीकरण गरी निःशुल्क उपचार पाउनुपर्ने आवश्यक आधारहरु समेत निर्धारण गरेको छ ।
स्वास्थ्य तथा जनसंख्या मन्त्रालयको स्वास्थ्य आपतकालीन कार्यसञ्चालन केन्द्रले सार्वजनिक गरेको सूचीअनुसार विपन्न, अशक्त, असहाय, असहाय एकल मिहला, ज्येष्ठ नागरिक, अति अपांगता भएका तथा अग्रपंक्तिमा खटिने स्वास्थ्यकर्मीहरु, सफाई कर्मचारीहरु, सुरक्षाकर्मी र जोखिमका क्षेत्रमा काम गर्नेहरुको निःशुल्क उपचार गर्न लागिएको हो ।
उल्लेखित सबै वर्गका लागि आवश्यक आधारहरु समेत सरकारले निर्धारण गरेको छ ।
विपन्नहरुले आफू विपन्न भएको प्रमाणपत्र पेस गरे वा स्वयं घोषणा गरे भने त्यस्ता संक्रमितहरूको सरकारले निःशुल्क उपचार गर्ने छ । त्यस्तै अशक्त संक्रमितहरूको हकमा अशक्तताको प्रमाणपत्र वा स्वयं घोषण गर्नुपर्ने उल्लेख गरिएको छ ।
त्यस्तै असहाय व्यक्तिहरूले पनि सम्बन्धित स्थानीय तहहरुबाट सिफारिस वा स्वयं घोषणा गर्नुपर्ने उल्लेख गरिएको छ भने असहाय एकल महिलाले पनि प्रमाणपत्र वा स्वयं घोषणा गरे निःशुल्क उपचार पाउने बताइएको छ ।
यस्तै अति अपांगता भएका संक्रमितले निःशुल्क उपचार पाउन अपांगताको प्रमाणपत्र पेस गर्नुपर्ने छ भने ज्येष्ठ नागरिक संक्रमितले ७० वर्ष पुगेका नागरिकताको प्रमाणपत्र वा उमेरको स्वयं घोषणा गरे निःशुल्क उपचार पाउने उल्लेख छ ।
त्यसैगरी अग्रपंत्तिमा खटिने स्वास्थ्यकर्मी, सरसफाइ कर्मचारी, सुरक्षाकर्मीलगायत जोखिम क्षेत्रमा कार्यरत कर्मचारीहरूको सम्बन्धित कार्यालयको परिचयपत्र वा सिफारिस पेस गर्नुपर्ने छ ।
मन्त्रालयले जारी गरेको उक्त सूचनामा सूचीकृतबाहेकले सम्बन्धित अस्पतालको सामाजिक सेवा ईकाई वा अस्पतालकै सिफारिसमा पनि निःशुल्क सेवा लिन सकिने उल्लेख छ ।
यस्तै उल्लेखित आधार पुगेका संक्रमितहरूको बीमा गरिएको अवस्थामा भने सम्पूर्ण परीक्षण तथा उपचार खर्च निजको बीमा रकमबाट कटौति गरिने उल्लेख छ ।
यी बाहेक अन्य व्यक्तिको हकमा भने सम्पूर्ण उपचार खर्च संक्रमित स्वयंले बेहोर्नुपर्ने सरकारले जारी गरेको उक्त सूचनामा स्पष्ट पारिएको छ ।
राष्ट्रियसभा सदस्यमा डा.शाक्य र महालेखा परीक्षकमा राय नियुक्त
बाँची खान गाह्रो भयो, मर्न पनि सकिएन !
सुदूरपश्चिममा एकीकृत समाजवादीको प्लान ‘बी’ !
इलाममा भारतीय गाडीको प्रयोग गरी ‘नो भोट’ अभियान, दुर्गा प्रसाईं सहभागी
नाउपाका पाँच सांसदले प्रदेश प्रमुखलाई बुझाए सोडारीलाई समर्थन नरहेको पत्र
तीनजना सहसचिव सचिव पदमा बढुवा
संकल्प प्रस्तावको पक्षमा मतदान गर्न कोशीमा एमालेद्वारा ह्वीप जारी
सेमिफाइनलमा युएईले टस जित्यो, नेपालले पहिला ब्याटिंग गर्दै
शपथ लिएकै भोलिपल्ट सुदूरपश्चिमका मुख्यमन्त्री सोडारी अल्पमतमा
सिन्धुपाल्चोक दुर्घटना : मृतक तीनजनाको पहिचान खुल्यो (अपडेट)
सुनको मूल्य बढ्यो, चाँदीको घट्यो
कांग्रेस सांसद खड्काले कब्जा गरेको स्काउटको जग्गामा सिलबन्दी
हार्दिक पाण्डेयलाई १२ लाख जरिवाना
मनकामना केवलकार आज बन्द
