इंग्लिस प्रिमियर लिग फुटबलमा वुल्भ्ससँग लीड्स युनाइटेड पराजित

लण्डन, ४ कात्तिक । इंग्लिस प्रिमियर लिग फुटबलअन्तर्गत सोमबार राति भएको खेलमा वुल्भ्स विजयी भएको छ ।

अवे मैदानमा भएको खेलमा वुल्भ्सले लीड्स युनाइटेडलाई १–० ले पराजित गरेको हो ।

वुल्भ्सका लागि राउल जिमिनेजले ७० औँ मिनेटमा गोल गरे । किलम्यानको सहयोगमा जिमिनेजले गरेको गोल नै वुल्भ्सको जितका लागि निर्णायक बन्यो ।

जितपछि पाँच खेलबाट ९ अंक जोडेको वुल्भ्स ९ अंकसहित छैटौँ स्थानमा पुगेको छ ।