काठमाडौं, ४ कात्तिक । संघीय मामिला तथा सामान्य प्रशासन मन्त्रालयका सचिव एकनारायण अर्यालले सोमबार पदभार ग्रहण गरेका छन् ।
विहीबार काठमाडौं महानगरपालिकाबाट संघीय मामिला तथा सामान्य प्रशासन मन्त्रालयको सचिवमा सरुवा भएका अर्यालले सोमबार मन्त्रालयमा पुगेर पदभार ग्रहण गर्दै मन्त्रालयमा महत्वपूर्ण कार्यको थालनी गरेका छन् ।
सचिव अर्यालले कर्मचारीको सरुवा प्रणालीलाई व्यवस्थित र पारदर्शी बनाउन अनलाइन मार्फत सरुवाको निवेदन दिनुपर्ने निर्णय गरेका छन् ।
पूर्वमेचीदेखि पश्चिम महाकाली सम्म रहेका निजामती कर्मचारीहरू सरुवाको लागि आफै मन्त्रालय आउनु पर्ने वाध्यताबाट मुक्त हुने भएका छन् ।
सचिव अर्यालले पदबहाली पछि विभिन्न महाशाखा, विभागी प्रमुख लगायतका कर्मचारीहरूसँग छलफल गर्दै प्रविधिमैत्री सेवा प्रवाह, सुशासन र व्यवसायिकतालाई मूल मन्त्र बनाएर कार्यसम्पादन गर्नुपर्ने आवश्यकता औल्याए ।
सचिव अर्यालले कर्मचारीको सरुवा प्रणालीलाई व्यवस्थित र पारदर्शी बनाउन अनलाइन मार्फत सरुवाको निवेदन दिनुपर्ने निर्णय गरेका छन् ।