काठमाडौँ, १ कात्तिक । सिराहामा आइसोलेसनबाट फरार एक थुनुवालाई प्रहरीले पक्राउ गरेको छ ।
धनगढीमाई नगरपालिका–११ स्थित महेन्द्र गेनाई अस्पतालको आइसोलेसनबाट फरार उनलाई शनिबार प्रहरीले पक्राउ गरेको हो ।
उनी चोरी मुद्दामा कैद सजाय भुक्तान गरिरहेका थिए । लहान नगरपालिका–१३ निवासी रवीन्द्र यादव गत भदौ ९ गते बेलुका शौचालयको झ्यालबाट हामफालेर फरार भएका थिए । उनलाई लहान नगरपालिका–१९ बाट पक्राउ गरिएको जिल्ला प्रहरी कार्यालयले जनाएको छ ।
स्वाब परीक्षणका क्रममा गत साउन २८ गते उनमा कोरोना पुष्टि भएको थियो। कोरोना पुष्टि भएपछि यादवलाई महेन्द्र गेनाई अस्पतालको आइसोलेसनमा राखिएको थियो। उनी त्यहीँबाट फरार भएका थिए ।
प्रतिक्रिया
सम्बन्धित
सिफारिस