काठमाडों, २८ असोज । इन्डियन प्रिमियर लिग (आईपीएल)मा सनराइजर्स हैदराबाले पाँचौं हार बेहोरेको छ ।
यूएईमा मंगलबार राति भएको खेलमा चेन्नइसँग हैदरावाद २० रनले पराजित भयो । टस जितेर पहिले ब्याटिङ गरेको चेन्नेइले निर्धारित २० ओभरमा ६ विकेट गुमाएर १६७ रन बनाउँदै १६८ लनको लक्ष्य प्रस्तुत गर्यो ।
सेन वाट्सन र अम्बाती रायडूले चेन्नेइको स्कोर १०० रन पार गराएका थिए । राइडु ४१ रनमा आउट हुँदा चेन्नेइको स्कोर ११६ रन थियो ।
यसैगरी वाट्सन पनि व्यक्तिगत ४२ रन बनाएर पभेलियन फर्किए । वाट्सनले ३८ बलमा ३ छक्का र एक चौका प्रहार गरे । कप्तान महेन्द्र सिंह धोनी पनि १३ बलमा २१ रन बनाएर आउट भए । रविन्द्र जडेजाले १० बलमा २५ रन बनाए ।
जवाफमा हैदरावाद २० ओभरमा ८ विकेट गुमाउँदा १४७ रनमा रोकियो । मध्यम सुरुवात गरेको हैदरावादले २३ रनमा पहिलो विकेट गुमाएको थियो भने ५९ रन बनाउँदा ३ विकेट खेर फालेको थियो ।
जारी प्रतियोगितामा हैदरावादको पाँचौं हार हो । यो जितपछि चेन्नेइ र हैदरावादको समान ८/८ खेलमा ६/६ अंक भएको छ ।