एकै परिवारका ३ जनाको कोरोना संक्रमणबाट मृत्यु

काठमाडौँ, २७ असोज । तनहुँमा एकै परिवारका ३ जनाको कोरोना भाईरसको सङ्क्रमणबाट मृत्यु भएको छ ।

मृत्यु हुनेमा भिमाद नगरपालिकाको भिमाद बस्ने ९८ वर्षीय धर्मकुमार श्रेष्ठ, उनका छोराहरु ७४ वर्षका कृष्णकुमार र ७१ वर्षका विष्णुकुमार रहेका छन् ।

आइतबार धर्मकुमारको राजधानीको विएण्डबी अस्पतालमा उपचारको क्रममा मृत्यु भएको थियो ।

शनिबार उपचाररत उनको माईलो छोरा कृष्णकुमारको मृत्यु भएको थियो । साईलो छोरो विष्णु कुमारको भने सोमबार मृत्यु भएको हो । एकै पविारका ३ जनाको ज्यान गएपछि भिमाद गाउँ पनि शोकमा परेको छ ।

धर्मकुमारका नौ जना परिवारमा कोरोनाको सङ्क्रमण भएको थियो ।