लण्डन, ७ असाेज । लुइस सुवारेजले बार्सिलोना छाड्ने भएका छन् ।
उनी बार्सिलाेनाकाे प्रतिद्वन्द्वी क्लब एथ्लेटिको म्याड्रिड जाने भएका हुन् । नयाँ प्रशिक्षक रोनाल्ड कोम्यानको योजनामा नपरेपछि सुवारेज क्लब छाड्न बाध्य बनेका हुन् ।
बार्सिलोनाका अध्यक्ष जोसेप मारिया बार्टोमेउले उक्त सम्झौतामा अड्को थापेका थिए । उनी सुवारेज प्रतिद्वन्द्वी क्लबमा गएको चाहँदैन थिए ।
एथ्लेटिकोले ३३ वर्षीय उरुग्वेन खेलाडीका लागि मात्र ४० लाख युरो खर्चिनु पर्नेछ । एथ्लेटिकोमा सुवारेजले बार्सिलोनामा कमाइरहेको वार्षिक ३ करोडभन्दा आधा मात्र तलब पाउनेछन् ।
उनले २८३ खेलमा १९८ गोल गरे । उनी सन् २०१४ मा लिभरपुलबाट ७.४ करोड पाउन्डमा क्लब भित्रिएका थिए ।
यस क्रममा उनले क्लबलाई ४ ला लिगा उपाधि, चार कोपा डेल गरे र च्याम्पियन्स लिगको उपाधि जित्न सफल रहे ।
प्रतिक्रिया
सम्बन्धित
सिफारिस