वीरगन्ज, ५ असाेज । वीरगन्जमा कोरोना संक्रमणबाट थप ४ जनाको मृत्यु भएको छ। याेसँगै वीरगन्जमा कोरोनाबाट मृत्यु हुनेको संख्या ६६ पुगेको छ।
तीन जनाको आइतबार बिहान र एक जनाको शनिबार साँझ मृत्यु भएको छ। वीरगन्जस्थित नारायणी अस्पतालमा उपचाररत रौतहटको गौर नगरपालिका-१ का ६१ वर्षीय पुरुषको आइतबार बिहान साढे ७ बजे मृत्यु भएको हो।
मृत्यु हुनेमा बाराको कलैया उपमहानगरपालिका-१३ बलिरामपुरकाख ६५ वर्षीय पुरुष, वीरगन्ज महानगरपालिका वडा नम्बर ६ रेशमकोठीका ८८ वर्षीय, वीरगन्ज-४ बिर्ताका ७८ वर्षीय व्यक्तिहरूकाे मृत्यु भएकाे छ।
वीरगन्जमा अहिलेसम्म कोरोनाका कारण मृत्यु भएका ६६ मध्ये २ पुरुषसहित पर्साका ४५ जना, बाराका १५ जना, रौतहटका ५ जना र सर्लाहीका एक जना रहेका छन्।
प्रतिक्रिया
सम्बन्धित
सिफारिस