भरतपुर, ३ असाेज । चितवनमा एक क्विन्टल गाजासहित दुई जना पक्राउ परेका छन् ।
पक्राउ पर्नेमा राप्ती नगरपालिका ११ आँपपानीका २५ वर्षीय दोर्जे तामाङ र २४ वर्षीय पदमबहादुर मोक्तान रहेका छन् ।
जिल्ला प्रहरी कार्यालय चितवनले गाँजासहित ओसारपसारमा संलग्नलाई सार्वजनिक गरेको हो ।
भदौ २१ गते प्रहरीले राप्ती नगरपालिका दवाडी चोकबाट पाँच वटा बोरामा पोको बनाइ राखेको गाँजा बेवारिसे अवस्थामा फेला पारेको थियो ।
अनुसन्धान गर्दै जाँदा ओसारपसारमा संलग्न व्यक्तिलाई असोज १ गते राप्ती ५ भण्डारा चोकबाट प्रक्राउ गरिएको जिल्ला प्रहरी कार्यालय चितवनका प्रवक्ता सूर्य थापाले जानकारी दिए ।
प्रतिक्रिया
सम्बन्धित
सिफारिस