बिहीबार, ८ असोज २०७७
DainikNepal.com
बिहीबार, ८ असोज २०७७

हिमाल आरोहण गर्न बहराइनका राजकुमारसहित १८ जना नेपालमा

दैनिक नेपाल २०७७ भदौ ३१ गते १२:३३

काठमाडौँ, ३१ भदौ । बहराइनका राजकुमार गोरखाको मनास्लु हिमाल आरोहण गर्न नेपाल आइपुगेका छन् ।

राजकुमार नासिर बिन हामिद अल खलिफासहित १८ जनाको टोली वुधबार विहान ११ बजे काठमाडौँ आइपुगेको हो ।

यो टोलीलाई परराष्ट्रका अधिकारीले विमानस्थलमा स्वागत गरेका थिए ।

राजकुमारको टोलीलाई एभ्रो विमानले काठमाडौँ ल्याएर बहराइन फर्किसकेको छ ।

हिमाल आहरोहणका लागि आएको टोली ६ दिन गोकर्ण फरेस्ट रिसोर्टको होटल क्वारेन्टाइनमा बस्ने छन् । त्यसपछि काठमाडौँबाट लुक्ला हेलिकप्टर र जहाजमा जानेछन् भने लोबुचे हिमालको आधार शिविरसम्म पदयात्रा गर्नेछन् ।

उनीहरु करिब २ महिना नेपाल बस्ने पर्यटन बोर्डले जनाएको छ ।

२ वटा हिमाल आरोहणपछि अर्काे वर्ष सगरमाथा चढ्ने यस टोलीको लक्ष्य रहेको बताइएको छ । राजकुमार खलिफासँग १५ जना रोयल फोर्सका व्यक्तिहरु आएका छन् ।

राजकुमारसहितको यो टोलीको नेपालमा हिमाल आरोहणले महामारीका कारण शिथिल बनेको पर्यटनलाई मध्यपूर्वलगायत विश्वभर प्रचार हुने बताइएको छ ।

प्रतिक्रिया
सम्बन्धित