काठमाडौँ, २७ भदौ । चितवनमा २ जना सैनिकको मृत्यु भएको छ ।
शनिबार रुखको हाँगा काट्ने क्रममा करेन्ट लागेर कालिका नगरपालिकाको वडा नं. ८ शक्तिखोरस्थित सिंहनाथ गणमा कार्यरत् २ जना सैनिकको मृत्यु भएको हो ।
चितवन प्रहरीका अनुसार गणको कम्पाउण्डमा रहेको रुखको हाँगा काट्ने क्रममा करेन्ट लाग्दा सुवेदार र जवानको मृत्यु भएको हो ।
रुखले विद्युतीय तारलाई छोएपछि हाँगा काट्ने प्रयास गर्दा सुवेदार राजुबाबु श्रेष्ठ र जवान साजन कुमालको मृत्यु भएको हो ।
श्रेष्ठको उपचारको लागि अस्पताल लैजाँदै गर्दा बाटोमा मृत्यु भएको थियो भने कुमालको भरतपुर अस्पतालमा उपचारको क्रममा भएको प्रहरीले जनाएको छ ।
प्रतिक्रिया