काठमाडाैं, २१ भदाै । बारा र पर्सामा थप २६ जनामा कोरोना संक्रमण पुष्टि भएको छ ।
नारायणी अस्पतालमा शनिवार राति गरिएको पीसीआर परीक्षणमा पर्साका २४ र बारामा २ जनामा संक्रमण देखिएको हो ।
५ सय १० जनाको स्वाब संकलन गरी पीसीआर परीक्षण गर्दा ५ महिला सहित २६ जना संक्रमित भेटिएको अस्पतालका प्रवक्ता डा.अतुलेशकुमार चौरसियाले जानकारी दिए ।
उनका अनुसार संक्रमितहरु १६ वर्षदेखि ६४ वर्ष उमेर समूहका छन् । थपिएका संक्रमितमध्ये वीरगञ्जस्थित कृषि औजार कारखानाको ब्यारेकमा कार्यरत २ सशस्त्र प्रहरीका जवान र नबिल बैंक वीरगञ्ज शाखामा कार्यरत पाँच जना कर्मचारी छन् ।
वीरगञ्ज महानगरपालिकाको वडा नम्बर १२ का तीन, वडा नम्बर ९, १५ र २५ का २/२ जना र वडा नम्बर ६, १०, १३, १४, २०, २१ का एक/एक रहेका छन् ।
कालिकामाई गाउँपालिका वडा नम्बर ४ का एक जना र जगरनाथपूर गाउँपालिका वडा नम्बर ५ का एकजना रहेका छन् ।
डा.चौरिसियाका अनुसार थपिएका पाँचजना संक्रमितहरुको ठेगना खुल्न सकेको छैन । त्यसैगरी बारा जिल्लाको महागढीमाई नगरपालिका वडा नम्बर २ का दुई जनामा कोरोना संक्रमण देखिएको उनले बताए ।











प्रतिक्रिया