काठमाडौं, ११ भदौ । बिहीबार नेपाली बजारमा सुनको मूल्य प्रतितोला ८०० रुपैयाँले बढेको छ ।
नेपाल सुनचाँदी व्यवसायी महासंघका अनुसार बुधबार प्रतितोला ९६ हजार ८०० रुपैयाँमा कारोबार भएको छापावाल सुनको मूल्य बिहीबार प्रतितोला ९७ हजार ६०० रुपैयाँमा कारोबार भएको हो ।
यस्तै तेजावी सुन प्रतितोला ९७ हजार १०० रुपैयाँमा कारोबार भइरहेको छ । यस्तै चाँदी प्रतितोला १ हजार ३४५ रुपैयाँमा कारोबार भएको छ । यसअघि बुधबार चाँदी तोलामा १ हजार ३१० रुपैयाँमा कारोबार भएको थियो ।
केही दिनयता थोरै थोरै मूल्य घट्दै गएको सुनचाँदीमा आज फेरि मूल्य वृद्धि भएको हो ।
प्रतिक्रिया
सम्बन्धित
सिफारिस