काठमाडौं, २ भदौ । म्यूजिक भिडियोमा नेपालको राष्ट्रिय झण्डा जलाएको आरोपमा प्रहरीले एक जनालाई पक्राउ गरेको छ ।
पक्राउ पर्नेको नाम प्रहरीले गोप्य राखेको छ । र्याप गीत ‘देशद्रोही’ शीर्षकमा सार्वजनिक गरिएको एक गीतमा नेपालको राष्ट्रिय झण्डा जलाएको आरोपमा प्रहरीले एक जनालाई पक्राउ गरेको हो ।
उनलाई महानगरीय अपराध महाशाखा, काठमाण्डौको टोलीले पक्राउ गरेको हो । गायक गेल्जङ दोर्जे तामाङलाई प्रहरीले खोजी गरिरहेको छ ।
महानगरीय अपराध महाशाखाले उक्त भिडियोलाई शेयर गर्ने कार्यमा संलग्न नहुने सबैलाई अनुरोध गरेको छ ।
मुलुकी अपराध संहिताले देशको अपमान गर्ने गरी राष्ट्रिय झण्डा जलाउनुलाई दण्डनीय अपराधको रुपमा व्याख्या गरेको छ ।
मुलुकी अपराध संहिताको दफा १५१ मा राष्ट्रिय ज्ञान, झण्डा वा निशान छापको अपमान गर्नेलाई तीन वर्षसम्म कैद र तीस हजारसम्मको जरीवाना हुने उल्लेख गरिएको छ ।
यो पढ्नुहोस्–
प्रतिक्रिया