शैक्षिक संस्थाहरु अनिश्चितकालका लागि बन्द गरिने

काठमाडौँ, २७ साउन । सरकराले शैक्षिक संस्थाहरु अनिश्चितकालसम्मका लागि बन्द हुने जनाएको छ ।

पछिल्लो समय कोरोनाभाइरस संक्रमणको जोखिम बढेको भन्दै अर्काे सूचना जारी नभएसम्मका लागि शैक्षिक संस्थाहरु बन्द रहने भएको हो ।

सोमवार बसको मन्त्रिपरिषद्का निर्णयहरु मंगलबार सार्वजनिक गर्दै सरकारका प्रवक्ता डा.युवराज खतिवडाले अर्को सूचना जारी नभएसम्मका लागि विद्यालय एवं शैक्षिक संस्थाहरु बन्द रहने जानकारी दिएका हुन् ।

‘शैक्षिक संस्था, सेमिनार, पाटी प्यालेस, सैलुन, पुस्तकालय अर्को सूचना नभएसम्म बन्द रहने निर्णय भएको छ’ डा. खतिवडाको भनाई छ ।
यसअघि सरकारले यसअघि भदौ १ गतेदेखि विद्यार्थी भर्ना गर्ने निर्णय गरेको थियो ।