भारतद्वारा नेपाली सेनालाई १० थान भेन्टिलेटर सहयोग

काठमाडौं, २५ साउन । भारतले नेपाली सेनालाई १० थान भेन्टिलेटर सहयोग गरेको छ ।

नेपालका लागि भारतीय राजदूत विनयमोहन क्वात्राले आइतबार नेपाली सेनाका प्रधान सेनापति महारथी पूर्णचन्द्र थापालाई उक्त भेन्टिलेटर मेशिन हसतान्तरण गरे ।

नेपाल सरकारको कोभिड–१९ को महामारी रोकथाम, प्रतिकार्य र नियन्त्रणको अभियानमा साथ दिन भारतले २ करोड ८० लाख भारतीय रूपैयाँ बराबरको मेशिन सहयोग गरेको बताएको छ ।

प्रधानसेनापति थापाले मित्रराष्ट्र भारतको सहयोगप्रति हार्दिक आभार तथा धन्यवाद प्रकट गरेका छन् ।