अमेरिकी राष्ट्रपति ट्रम्पद्वारा टिकटक र वीच्याटमाथि प्रतिबन्धको घोषणा

काठमाडौं, २३ साउन । अमेरिकी राष्ट्रपति डोनाल्ड ट्रम्पले चिनियाँ एप टिकटक र वीच्याटमाथि प्रतिबन्ध घोषणा गरेका छन् ।

आज शुक्रबार टिकटकको प्यारेन्ट कम्पनी बाइटडान्स र वीच्याट चलाउने टेन्सेन्टमाथि ४५ दिनपछि लागू हुने गरी प्रतिबन्ध लगाउने कार्यकारी आदेशमा हस्ताक्षर गरेका हुन् ।

करीब दुई वर्षदेखिको व्यापार युद्ध र पछिल्लो समय हुवावेको फाइभजीमाथि प्रतिबन्ध, कोरोनाभाइरस, साउथ चाइना सी र हङहङका विषय चीनसँग विवाद चुलिइरहेका बेला अमेरिकाको राष्ट्रिय सुरक्षामाथि खतरा भएको भन्दै ट्रम्पले प्रतिबन्ध घोषणा गरेका हुन् ।

यसअघि अमेरिकाको सिनेटले सरकारी विद्युतीय उपकरण टिकटकलाई प्रतिबन्ध लगाउने प्रस्ताव सर्वसम्मतले पारित गरेको थियो । अमेरिकी कम्पनी माइक्रोसफ्टले टिकटक अमेरिकाको स्वामित्व किन्न चाहेको छ । राष्ट्रपति ट्रम्पको आदेशपछि अब उक्त खरीद प्रक्रिया ४५ दिनअगावै सक्नु पर्ने बताइएको छ ।

चिनियाँ कम्पनी बाइटडान्सले सन् २०१७ मा टिकटक लन्च गरेको थियो । पछि उसले म्यूजिकल्ली नामको अर्को एप किनेको थियो । टिकटक अमेरिका र युरोपका युवाहरूमाझ निकै लोकप्रिय छ । तर, चिनियाँ यो एप चीनमै भने प्रतिबन्ध नै छ ।

विश्वभर टिकटकमा ५० करोड र अमेरिकामा ८ करोड प्रयोगकर्ता छन् ।

२९ वर्षीया युवतीले रोजिन् इच्छामृत्यु



युद्धग्रस्त गाजापट्टीमा ३ इजरायली बन्धकहरुको शव फेला



नासाको आर्टेमिस-३ मिसन : अन्तरिक्ष यात्रीको फिल्ड प्रशिक्षण सुरु



रुसलाई हतियार नदिएको किमकी बहिनी जोङको दावी

सिफारिस


‘प्राज्ञ र कर्मचारी नियुक्तिमा ढिलाई हुँदा विश्वविद्यालयमा समस्या आयो’



संसद अवरोधप्रति सभामुख चिन्तित, अध्यादेशको बाटो खोज्न सकिने



 राजनीति फोहोरी खेल होइन, स्वार्थ बोकेका व्यक्ति फोहोरी हुन् : सुहाङ नेम्वाङ



सामान्य प्रशासन मन्त्रालयमा पिएहरुको रजगज