ह्वाइट हाउस कोरोनाभाइरस टास्क फोर्सका सदस्यलाई मार्ने धम्की

न्युयाेर्क, २३ साउन । अमेरिकाका कोरोनाभाइरसका वरिष्ठ विशेषज्ञ तथा ह्वाइट हाउस कोरोनाभाइरस टास्क फोर्सका सदस्य डाक्टर एन्थोनी फाउचीले आफूले धम्की पाइरहेको र उनका छोरीहरूलाई तनाव दिइएको जानकारी दिएका छन् ।

उनका अनुसार अमेरिकामा कोरोनाभाइरससँग जुध्नका लागि के–के गरिँदैछ भन्ने विषयमा सार्वजनिक रुपमा आफ्नो कुरा राखेका कारण यस्तो समस्या देखा परेको उनले बताएका छन् ।

उनले सीएनएनसँगको कुराकानीमा भने, ‘मलाई र मेरो परिवारलाई हत्या गरिदिने धम्की आइरहेको छ । साथै, छोरीहरुलाई यतिसम्मको तनाव दिइयो कि मैले आफ्नो लागि सुरक्षाकर्मी राख्नुपर्यो । यो त आफैंमा गज्जबको कुरा हो ।’

डाक्टर फाउचीले भने, ‘काश मेरा परिवारका सदस्यले यी सब झेल्नु पर्दैनथ्यो । पूर्ण रुपमा स्वास्थ्यसँग जोडिएको मामिलामा मैले राखेका धारणाका कारण मलाई ज्यान मार्ने धम्की आउँछ भनेर कहिल्यै कल्पनासमेत पनि गरेको थिइनँ ।’

कोरोना महामारीका बेला डाक्टर एन्थोनी फाउचीले अत्यधिक पहिचान पाएका छन् । उनले थुप्रै पटक कोरोनाभाइरसको विषयमा राष्ट्रपति डोनल्ड ट्रम्पसँग आफ्नो असहमति पनि सार्वजनिक गरिसकेका थिए ।

२९ वर्षीया युवतीले रोजिन् इच्छामृत्यु



अफगानिस्तानमा ३ विदेशीसहित ४ जनाको गोली हानी हत्या



युद्धग्रस्त गाजापट्टीमा ३ इजरायली बन्धकहरुको शव फेला



नासाको आर्टेमिस-३ मिसन : अन्तरिक्ष यात्रीको फिल्ड प्रशिक्षण सुरु

सिफारिस


‘प्राज्ञ र कर्मचारी नियुक्तिमा ढिलाई हुँदा विश्वविद्यालयमा समस्या आयो’



संसद अवरोधप्रति सभामुख चिन्तित, अध्यादेशको बाटो खोज्न सकिने



 राजनीति फोहोरी खेल होइन, स्वार्थ बोकेका व्यक्ति फोहोरी हुन् : सुहाङ नेम्वाङ



सामान्य प्रशासन मन्त्रालयमा पिएहरुको रजगज