अख्तियारका थप २२ जना कर्मचारीमा कोरोना संक्रमण पुष्टि

काठमाडौं, २२ साउन । अख्तियार दुरुपयोग अनुसन्धान आयोगका थप २२ जना कर्मचारीमा कोरोना संक्रमण पुष्टि भएको छ ।

मंगलबार १५ जना कर्मचारीमा कोरोना संक्रमण देखिएकोमा परीक्षणको दायरा बढाउँदै जाँदा बिहीबार थप २२ जनामा कोरोना संक्रमण पुष्टि भएको हो ।

धमाधम संक्रमितको संख्या बढ्न थालेपछि पीसीआर परीक्षण गरेर मात्रै कार्यालय आउन कर्मचारीलाई आग्रह गरिएको आयोगले बताएको छ ।