फाइल तस्वीर
विराटनगर, १७ साउन । भ्रष्टाचारविरोधी अभिव्यक्ति दिँदै आएका सरकारका उप–सचिव प्रेमप्रसाद सञ्जेलमाथि शनिबार विराटनगरमा कुटपिट भएको छ ।
श्रम तथा रोजगार कार्यालय विराटनगरका प्रमुख सञ्जेलमाथि आफ्नै कार्यकक्षमा ११ बजेतिर महिला कर्मचारीले कुटपिट गरेका हुन् । उनलाई कार्यालयका सहयोगी कर्मचारी नेत्र भट्टराई र मेनुका सापकोटाले कुटपिट गरेको प्रहरीको भनाइ छ ।
मोरङ प्रहरी प्रमुख एसपी सन्तोष खड्काले कार्यालयकै कामको विषयलाई लिएर विवाद उत्पन्न भएपछि श्रम कार्यालयका प्रमुखमाथि आक्रमण भएको बताइएको छ ।
दुवै जना मिलेर टेबुलमाथि राखेको पेपर वेटको डल्लो, आफूले लगाएको चप्पल, नेल कटर, पञ्चिङ मेसिन लगायतले प्रहार गरेको प्रहरीको भनाइ छ । दुबैजना कार्यालयमा करारमा काम गर्ने कर्मचारी हुन् ।
कुटपिटमा संलग्न महिला कर्मचारीहरुलाई नियन्त्रणमा लिएर घटनाको अनुसन्धान सुरु गरिएको प्रहरीले बताएको छ । कुटपिटबाट सञ्जेलको शरीरका विभिन्न ठाउँमा सानातिना चोट चालेको बताइएको छ ।
श्रम कार्यालय स्रोतकाअनुसार काम नगरेको भन्दै सञ्जेलले करारका नायब सुब्बा निर्मलकुमार दाहाललाई शुक्रबार कामबाट निकालिदिएका थिए ।
दाहाल कुटपिटमा संलग्नमध्ये नेत्र भट्टराईको बहिनी ज्वाईँ हुन् ।
केही दिनअघि कार्यालयको पानी तान्ने मोटर चोरी भएपछि सञ्जेलले कार्यालयको सामग्रहीको सुरक्षा गर्न भन्दै करारका कार्यालय सहायक मध्ये २/२ जना गरेर पालो गराएर २४ घण्टा नै ड्युटीमा खटाएका थिए । महिला कर्मचारीलाई २४ घण्टा नै ड्युटीमा लगाएको भनेर पनि उनीहरु आक्रोशित हुँदै आएको बताइएको छ ।
सञ्जेल विदाको दिनमा पनि कार्यालयमा काम गर्ने गर्दछन् ।
किन बढ्दैछ विश्वभर प्रोस्टेट क्यान्सर ?
जरलहवामा आगलागीबाट दुई वटा बस्ती नै खरानी, ९७ घर जले
प्रहरी चौकी भवन निर्माण ५ वर्षदेखि अलपत्र
बक्सिङ टोली उज्वेकिस्तान प्रस्थान
अन्तरिक्ष यात्रामा जाँदै सुनिता विलियम्स
घट्यो सुनचाँदीको मूल्य
यस्तो छ आजको विदेशी मुद्रा विनिमय दर
विकु लामाको ‘सुनको सिक्री’ गीत सार्वजनिक
सिटिजन्स बैंकका ग्राहकलाई काठमाडौंका विभिन्न संघ संस्थामा विशेष छुट
लक्ष्मी सनराइज बैंकको काठमाडौं उपत्यकाभित्र २ वटा शाखा स्थानान्तरण
आफ्ताब आलमलाई जन्मकैदको फैसला
सुनिल पौडेललाई थुनामा राख्न आदेश
शरणार्थी प्रकरण : आङटावा शेर्पा र गोविन्द चौधरीलाई धरौटीमा छाड्न आदेश
टोपबहादुर रायमाझीसहित ७ जनालाई थुनामै राख्न अदालतको आदेश
