काठमाडौँ, ४ साउन । झापाको गौरीगञ्ज गाउँपालिकाको भारतीय सीमावर्ती क्षेत्रमा झडप भएको छ ।
शनिबार राती साढे ९ बजे गौरीगञ्ज गाउँपालिका–५ मलाहका टोल नजिकैको सीमा क्षेत्रमा सशस्त्र प्रहरी र भारतीय नागरिकबीच झडप हुँदा दुई जना प्रहरी घाइते भएका छन् ।
भारतीय गाउँबाट घरेलु हतियारसहित आएपछि भीड नियन्त्रणका लागि सशस्त्र प्रहरीले ४ राउण्ड हवाई फायर गरेको थियो ।
भारतीयले आक्रमण गर्दा २ जना सशस्त्र प्रहरी घाइते भएका सशस्त्र प्रहरीले जनाएको छ । सशस्त्र प्रहरीका अनुसार सीमा स्तम्भ १५२ नजिकै घटना भएको थियो ।
मलाह टोलबाट सशस्त्रमाथि आक्रमण गर्ने योजनाअनुसार आएको बताइएको छ । उनीहरु तस्कर समूह भएको हुनसक्ने बताइएको छ । लकडाउनसँगै प्रहरीले नाकामा कडाई गरेपछि तस्करको समूह योजनावद्ध रुपमा आक्रमणका लागि आएको प्रहरीले बताएको छ ।
घटनापछि दुवै पक्षबीच छलफल भइरहेको छ ।
प्रतिक्रिया