आइतबार, ११ साउन २०७७
DainikNepal.com
आइतबार, ११ साउन २०७७

स्पेनिस ला लिगामा बार्सिलोनासँग स्पानोयल पराजित

दैनिक नेपाल २०७७ असार २५ गते ७:४४

लण्डन, २५ असार । स्पेनिस ला लिगामा बार्सिलोनाले स्पानोयलमाथि कठिन जित हात पारेको छ । गएराति भएको खेलमा बार्सिलोनाले स्पानोयललाई एक शून्यले हरायो ।

जितपछि बार्सिलोनाले शीर्ष स्थानको रियाल मड्रिडसँगको दूरी एक अंकमा झारेको छ ।

घरेलु मैदान क्याम्प नोउमा भएको खेलमा बार्सिलोनाका लागि एक मात्र गोल लुइस स्वारेजले गरे । रेलिगेसनमा परेको स्पानोयल विरुद्ध पहिलो हाफ गोलरहित बराबरी खेलेको बार्सिलोनाले ५६ औं मिनेटमा अग्रता बनायो ।

उसका लागि लुइस स्वारेजले गोल गर्न सफल भए । जारी सिजनमा उनको यो १५ औं गोल हो । त्यसपछि स्पानोयल खेलमा फर्कन सकेन र पराजित भयो ।

जितपछि बार्सिलोनाले ३५ खेलमा ७६ अंक बनाएको छ । शीर्ष स्थानको रियालको ३४ खेलमा ७७ अंक छ । पछिल्ला खेलमा लगातार हार ब्यहोरिरहेको स्पानोयलको मात्र २४ अंक छ ।

प्रतिक्रिया
सम्बन्धित