काभ्रे, १७ असार । काभ्रेपलाञ्चोकमा टिपरले मोटरसाइकलाई ठक्कर दिँदा दुईजनाको मृत्यु भएको छ ।
धुलिखेल नगरपालिका २, डुडामुखमा टिपरले मोटरसाइकललाई ठक्कर दिँदा मोटरसाइकलमा सवार दुईजनाको मृत्यु भएको हो ।
मृत्यु हुनेमा धुलिखेल नगरपालिका २ का मोटरसाइकल चालक ५२ वर्षीय वेदप्रसाद कोइराला र मोटरसाइकलको पछाडि सवार ५३ वर्षीय गोवर्द्धनप्रसाद कोइराला रहेको जिल्ला प्रहरी कार्यालयले जनाएको छ ।
बनेपाबाट रविओपीतर्फ जाँदै गरेको बा ४ ख ६३८६ नम्बरको टिपरले आज दिउँसो सोही दिशातर्फ जाँदै गरेको बा ३६ प ५०५२ नम्बरको मोटरसाइकललाई ठक्कर दिँदा दुवैजनाको मृत्यु भएको हो ।
मृतक दुवैजनाको शव परीक्षणका लागि बनेपास्थित शिर मेमोरियल अस्पतालमा राखिएको छ । –रासस
प्रतिक्रिया
सम्बन्धित
सिफारिस