काठमाडौँ, १६ असार । काठमाडौँ उपत्यकामा मंगलबार १४ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमका अनुसार ५ महिला र ७ पुरुष गरी काठमाडौँका थप १२ जनामा कोरोना संक्रमण पुष्टि भएको हो ।
त्यस्तै, थपिएका संक्रमितहरु ललितपुरका एक जना पुरुष र भक्तपुरका एक जना महिला रहेका छन् ।
मन्त्रालयका अनुसार त्रिवि शिक्षण अस्पताल महाराजगञ्ज, पाटन अस्पताल र शुक्रराज अस्पताल टेकुसहितत उपत्यकाका अन्य अस्पतालमा गरिएको परीक्षणमा काठमाडौंका १२ जना र ललितपुर र भक्तपुरका एक एक जनामा कोरोना संक्रमण देखिएको हो ।
प्रतिक्रिया
सम्बन्धित
सिफारिस