काठमाडौँ, १४ असार । अछामको क्वारेन्टिनमा बसेका एक ४५ वर्षीय पुरुषको मृत्यु भएको छ ।
रामारोशन गाउँपालिका ५ को कैलाशेश्वर घट्टेखेती आधारभूत विद्यालयको क्वारेन्टिनमा बसेका ४५ वर्षीय पुरुषको मृत्यु भएको हो ।
उनी जेठ २७ गते भारतबाट अछाम पुगेका हुन् । असार ९ गते आरडीटी परीक्षण गर्दा उनको रिपोर्ट नेगेटिभ आएको थियो ।
ति पुरुषमा असार १३ गते एक्कासी श्वासप्रश्वासमा समस्या आएपछि बयालपाटा अस्पताल लगिएको थियो । उनको आकस्मिक कक्षमा उपचारका क्रममा आइतबार दिउँसो मृत्यु भएको हो ।
चिकित्सकका अनुसार उनी सुगरका बिरामी थिए । सुगर बढेकाले स्वास्थयमा समस्या आएको चिकित्सकले जनाए । यद्यपि उनी र कुरुवा २ जनासहितको स्वाब संलकन गरेर कोरोना परीक्षणका लागि पठाइएको जनाइएको छ ।
प्रतिक्रिया
सम्बन्धित
सिफारिस