काठमाडौँ, १३ असार । प्रदेश ५ मा पनि सलह किरा देखिएको छ ।
शनिबार विहान प्रदेश २ मा देखिएको सलह दिउँसो रुपन्देहीको बुटवल क्षेत्रमा पनि देखिएको हो । भारतीय सीमा क्षेत्रमा देखिँदै आएका सलह नेपालमा शनिबार प्रवेश गरेका हुन् ।
झुण्ड नभएर फाट्टफुट्ट सलह किरा देखिएको प्रदेश ५ का कृषि विकास निर्देशनालयले जनाएको छ । स्थानीयले निर्देशनालयलाई सूचना दिएपछि ति सबै किरा सलह हुन् कि होइनन् लगायत विषयमा अनुसन्धान गरिने जनाइएको छ ।
हाल किरा देखिएका स्थानमा किट विज्ञहरुले अनुसन्धान गरिरहेको निर्देशनालयले जनाएको छ । कतिको संख्यामा आएको यकिन गरेर धेरै नष्ट गर्न नदिने योजना बनाइने जनाइएको छ ।
प्रतिक्रिया
सम्बन्धित
सिफारिस