विवाहको ७ वर्षपछि मात्र अंगीकृत नागरिकता दिने प्रस्तावको प्रदेश २ मा विरोध

काठमाडौँ, ७ असार । नेपाली पुरुषसँग विवाह गर्ने विदेशी महिलालाई ७ वर्षपछि मात्र नागरिकता दिने राज्य व्यवस्था समितिको प्रस्तावको प्रदेश २ का जिल्लामा आइतबार विरोध प्रदर्शन भएको छ ।

नागरिकता विधेयकको नेपाली कांग्रेस, उसका भ्रातृ संगठन तरुण दल, जनता समाजवादी पार्टी तथा सीके राउत नेतृत्वको जनमत पार्टीले गरेका छन् । प्रदर्शन गर्दै उनीहरुले उक्त विधेयक समेत जलाएका छन् ।

उनीहरुले प्रदेशको अस्थायी राजधानी जनकपुरधाममा छुट्टाछुट्टै विरोध प्रदर्शन गरेका थिए ।

त्यस्तै, वीरगञ्जमा पनि कांग्रेस र समाजवादी पार्टीले पनि छुट्टाछुट्टै रुपमा विरोध प्रदर्शन गरेका थिए ।

त्यसैगरी, सप्तरीको सदरमुकाम राजविराजमा पनि नेपाली कांग्रेस र जनता समाजवादी पार्टीले छुट्टाछुट्टै प्रदर्शन गरेका छन् ।