एकै पटकमा ५८ जनामा कोरोना संक्रमित भेटिएपछि गाउँपालिका पुरै सिल

काठमडौँ, ५ असार । डडेल्धुराको गन्यापधुरा गाउँपालिका पुरै सिल गरिएको छ ।

एकैपटक धेरै कोरोना संक्रमित देखिएपछि गाउँपालिका नै सिल गरिएको हो । असार ४ देखि १२ सम्म गाउँपालिका सिल गरिएको जनाइएको छ ।

कोरोना संक्रमितहरु बाहिर हिँड्न थालेपछि संक्रमण फैलिन सक्ने जोखिमलाई ध्यानमा राखेर गाउँपालिका सिल गरिएको हो ।

गन्यापधुरामा बिहीबार मात्रै ५८ जनामा कोरोना भाइरस संक्रमित फेला परेका थिए ।

गाउँपालिकामा अत्यावश्यक बोहकका सबै कार्यालय र हिँडडुल बन्द हुनेछ ।

नेपाल प्रहरी र सशस्त्र प्रहरीले सुरक्षाका लागि खटिरहेका छन् ।