कर्णाली प्रदेशमा थप १२० जनामा कोरोना, दैलेखमा मात्रै ८६ जना

काठमाडौँ, ४ असार । कर्णाली प्रदेशमा बिहीबार थप १ सय २० जनामा कोरोना भाइरसको संक्रमण पुष्टि भएको छ ।

प्रदेश अस्पताल सुर्खेत पशुपन्छी रोग अन्वेषण प्रयोगशाला सुर्खेतमा गरिएको नमूना परीक्षणमा थप १ सय २० जनामा संक्रमण पुष्टि भएको हो सामाजिक विकास मन्त्रालयले जनाएको छ ।

नयाँ संक्रमितहरु दैलखका ८६ र सुर्खेतका ३४ जना रहेका छन् ।

यससँगै कर्णाली प्रदेशमा कोरोना संक्रमितको संख्या १ हजार २ सय २४ पुगेको छ ।

कर्णाली प्रदेशमा अहिलेसम्म ५०५ जना कोरोना भाइरस संक्रमणमुक्त भएर डिस्चार्ज भइसकेका छन्।

यस प्रदेशमा चारजनाको मृत्यु भएको महाशाखाले जनाएको छ।