बागलुङ, १ असार । बागलुङको निसीखोला गाउँपालिकामा एक महिलाले क्वारेन्टाइनमै बच्चा जन्माएकी छन् ।
निसीखोला गाउँपालिका ५, निसीस्थित ज्ञानेन्द्र माध्यमिक विद्यालयको क्वारेन्टाइनमा बसेकी २१ वर्षीया महिलाले आज छोरालाई जन्म दिएको वडाध्यक्ष हर्कमान घर्तीले बताउनुभयो ।
ती महिला १२ दिनदेखि क्वारेन्टाइनमा छिन् ।
सुत्केरीका श्रीमानसमेत क्वारेन्टाइनमा छन् । भारतको पञ्जावबाट आएका श्रीमान श्रीमतीको गत २९ जेठमा पीसीआर परीक्षणका लागि स्वाब संकलन गरिए पनि रिपोर्ट आएको छैन । –रासस
प्रतिक्रिया