काठमाडौँ, २६ जेठ । नेपालको ७७ मध्ये ७१ जिल्लामा कोरोनाभाइरस संक्रमण फैलिएको छ ।
स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले नियमित प्रेस ब्रिफिङ मार्फत पुष्टि गरेका हुन् ।
सोमवार पीसीआरबाट ४ हजार ७ सय ६६को परीक्षण गरिएको र आरडीटीबाट ११ हजार ९ सय ४२ जनाको परीक्षण गरिएको प्रवक्ता गौतमले जनाए ।
नेपालमा सोमवार ३१४ जना नयाँ सङ्क्रमित थपिएका छन् । थप एकको मृत्यु भएको छ । यससँगै कोरोनाका कारण मृत्यु हुनेको सङ्ख्या १४ पुगेको छ ।
पछिल्लो २४ घण्टामा प्रदेश नम्बर २ मा ७ जना महिलासहित १ सय ७४ जनामा कोरोना पुष्टि भएको छ ।
पछिल्लो तथ्याङ्क अनुसार अनुसार सप्तरी जिल्लामा १६ जना महोत्तरी जिल्लामा १२ जना, सर्लाही जिल्लामा १ सय २० जना, रौतहट जिल्लाका ११, बारा जिल्लामा ७ जना र पर्सा जिल्लामा ८ जनामा कोरोना सङ्क्रमण पुष्टि भएको छ ।
त्यस्तै चितवनमा २ जना स्वास्थ्यकर्मीसहित २३ जनामा संक्रमण पुष्टि भएको छे ।
नेपालमा कुल सङ्क्रमितको सङ्ख्या ३ हजार ७ सय ६२ पुगेको छ ।
प्रतिक्रिया