काठमाडौं, ७ जेठ । भारतमा एकै दिन ५,६०० जनाभन्दा बढी व्यक्तिमा कोरोनाभाइरस सङ्क्रमण पुष्टि भएको बताइएको छ। यो अहिलेसम्म दैनिक पुष्टि भएको सर्वाधिक सङ्ख्या हो।
योसहित भारतमा सङ्क्रमितको कुल सङ्ख्या १,०६,००० नाघेको छ। भारतमा एशियामै सर्वाधिक सङ्ख्यामा कोभिड-१९ पुष्टि भएको छ।
मङ्गलवार अघिल्लो दिनको तथ्याङ्क आएपछि भारतले सङ्क्रमितको सङ्ख्यामा चीनलाई पनि उछिनेको थियो।
भारतको स्वास्थ्य मन्त्रालयका विगत २४ घण्टामा ५,६११ जनामा कोरोनाभाइरस पुष्टि भएको जनाएको छ। अब कुल सङ्क्रमितको सङ्ख्या १,०६,७५० पुगेको छ।
अहिले भारतमा ६१,००० भन्दा बढीमा व्यक्तिमा सक्रिय सङ्क्रमण छ।
उक्त अवधिमा १४० जनाको कोभिड-१९ कारण मृत्यु भएपछि मृतकको कुल सङ्ख्या ३,३०३ पुगेको छ। अहिलेसम्म झन्डै ४२,००० जना निको भएको बताइएको छ।
भारतमा विगत आठ हप्तादेखि लकडाउन लगाइएको छ।
सरकारले हिँडडुल र व्यापार तथा व्यवसायमा लगाइएको प्रतिबन्ध बिस्तारै खुकुलो पार्न थालेको बेलामा सङ्क्रमणको दर बढेको देखिएको छ।
भारतमा अझै कोभिड-१९ महामारी उत्कर्षमा पुग्न बाँकी भएको विज्ञहरू बताउँछन्।
भारतको अल इन्डिया इन्स्टिट्यूट अफ मेडिकल साइन्सेजका निर्देशक डा. रणदीप गुलेरियाका अनुसार भारतमा सङ्क्रमण जुन-जुलाई महिनामा उत्कर्षमा पुग्नेछ।
त्यति बेला भारतमा रुखाखोकीको प्रकोप पनि देखिन्छ।
तर केही विज्ञहरू राज्यअनुसार उत्कर्ष देखिने समय फरक पर्ने धारणा राख्छन्।
अहिले महाराष्ट्रमा सर्वाधिक अर्थात् देशभरि पुष्टि भएकामध्ये ४० प्रतिशत सङ्क्रमित फेला परेका छन् भने मृत्यु भएकामध्ये गुजरात राज्यमा ७० प्रतिशत छन्।
महाराष्ट्रपछि तमिलनाडु, गुजरात र दिल्लीमा क्रमश: सर्वाधिक सङ्क्रमित फेला परेका छन्।
भारतमा लकडाउनको अवधि बढाएर मे ३१ सम्म कायम गरिएको छ।
तर सोमवारदेखि केही आर्थिक गतिविधि सञ्चालन गर्न अनुमति दिइएकोले ठूला सहरमा मानिसहरूको चहलपहल देखिएको छ।
बीबीसी
बझाङमा एमाले र कांग्रेस नै मुख्य प्रतिस्पर्धी, माओवादी र एस मत सुरक्षित गर्ने रणनीतिमा
गोरखा भूकम्प : बारपाक सुलिकोटमा आज सार्वजनिक विदा
सुनचाँदीको मूल्य बढ्यो, तोलाको कति पुग्यो ?
कतारी अमिर शेख थानीको नेपाल भ्रमण : दुई देशबीच एक सम्झौता, सात समझदारीपत्रमा हस्ताक्षर
बैंकिङ कसुरमा फरार करुणा शाही पक्राउ
काभ्रेको भुम्लुमा सुमो दुर्घटना, १० घाइते
कांग्रेसभित्रको विवाद नमिलेपछि उम्मेदवार डम्बर खड्का तनावमा
कर्णालीका मुख्यमन्त्री कँडेलले आज विश्वासको मत लिँदै
बक्सिङ टोली उज्वेकिस्तान प्रस्थान
यस्तो छ आजको विदेशी मुद्रा विनिमय दर
आईपीएल : गुजरात टाइटन्समाथि दिल्लीको रोमाञ्चक जित
यी ४ प्रदेशमा हल्का वर्षाको सम्भावना
पहिलो कम्युनिष्ट प्रधानमन्त्री मनमोहन अधिकारीको २५औँ स्मृति दिवस मनाइँदै
इजरायल–हमास युद्धको २०० दिन : गाजामा भोकमरी भयावह बन्दै
