काठमाडौं, ५ जेठ । तत्कालीन युनिटी लाइफ इन्टरनेशनलका सञ्चालक विष्णु क्षेत्रीको आइतबार बिहान मृत्यु भएको छ ।
काठमाडौंको बसुन्धरास्थित ग्रिनसिटी अस्पतालमा आइतबार बिहान ९ बजे ४६ वर्षीय क्षेत्रीको मृत्यु भएको अस्पतालका सञ्चालक लोकबहादुर टण्डनले जानकारी दिएका छन् ।
मेडिसिटी अस्पतालमा उपचार गराइरहेका क्षेत्रीलाई चार दिनअघि मात्रै ग्रिनसिटी अस्पतालमा ल्याइएको अध्यक्ष टण्डनले बताए । ‘मेडिसिटी उपचार गराइरहनु भएको थियो’, उनले भने, ‘समस्या झन् बढेपछि बिहीबारमात्रै क्षेत्रीलाई हाम्रो अस्पतालमा ल्याइएको थियो ।’
टण्डनले भने, ‘आइतबार बिहान ९ बजे उहाँको निधन भयो ।’
सञ्चालक टण्डनका अनुसार उनलाई जण्डिस बिग्रिएपछि अस्पतालमा लगिएको थियो ।
शुरुमा मेडिसिटी अस्पतालमा उपचार गरिएको भएपनि उनको स्वास्थ्यमा सुधार नआएपछि क्षेत्रीलाई ग्रिनसिटीमा ल्याइएको थियो ।
अस्पताल ल्याउँदा नै क्षेत्री होसमा नभएको टण्डनले बताएका छन् ।
अत्याधिक मदिरा सेवनका कारण क्षेत्रीको मल्टीअर्गान फेलिएर भएको टण्डनले बताएका छन् ।